Informashon riba e etikèt (òf lebel) ta hopi importante. Riba e etikèt bo por lesa e balor nutritivo, e kantidat di vèt, kolesteròl, salu, suku i kantidat di kaloria. Hopi hende no sa ku tin hopi mas informashon importante i balioso riba e etikèt. Informashon manera e fecha di vensementu, na unda a prosesá e produkto, orígen di e produkto i tur e ingredientenan.
E problema ta kuminsá ku bo no por lesa e nòmbernan di e tur e ingredientenan, i te na ora ku bo por lesa e nòmbernan, bo NO sa kiko e ke men i ki efekto e ingrediente tin riba e kurpa humano (i animal).
P’esei e kurso ‘Lesa i komprondé etikèt ta hopi importante pa tur hende. NO ta importante bo estudio ku bo a sigui kaba, bo profeshon, edat, sekso, religion òf kultura. Kontal ku bo ke biba un bida mas konsiente i bo ke disfrutá di bo kurpa.
Den e kurso bo ta siña:
- Kiko tin pará riba e etikèt i kiko e ta nifiká?
- Kiko ta nifiká E-number
- Kiko e ingredientenan ta i kiko ta e E-number?
- Kiko ta e efekto riba e kurpa humano (i animal)?
- Kon por remplasá òf evitá e ingrediente?
- Kiko ta nifiká e number riba fruta i berdura?
- Nifikashon di e fecha riba e produkto
- Anunsionan inkorekto i falsu riba etikèt
- Kantidat di vèt, suku, salu, kaloria, proteina, karbohidrato
- Kiko tur e abreviashonnan manera GMO, BPA, HFCS, ADA, i hopi mas
- Kiko ke men ‘allergenen’, gluten, servings, trans fat, i hopi mas
Inskribí aki
