KANTIDAT: 4 PA 6 PORSHON

 Ingredientenan básiko:

  • (4) kùp di kaldo di bèrdura òf awa puru
  • (1) kùp di bonchi lokal, prekushiná
  • (1) pida pampuna kòrtá dou dou
  • (2) wòrtel grandi òf 3 mediano kaská i kòrtá na dou dou
  • (3) zucchini, kòrtá na dou dou
  • (½) siboyo chikí òf shallot, kòrtá chikí
  • (3) tenchi konofló di chòp
  • (2) blachi di “kale” di chòp
  • (4) taki di sèlder di chòp
  • (½) tròshi di peterselie di chòp
  • (1) kuchara di zeta di ‘grapeseed’ òf di
  • (1) telep di salu
  • ( 2) telep di kùri

PREPARASHON:

Laba i kushiná e bonchinan (wandu, kunuku ets.) den un paila ku awa yená te mas o ménos 2 cm riba e bonchinan pa mas o ménos 20 minüt òf te ora nan bira moli na kandela mediano. Kubri e wea ku su tapadera (no mester di muha e bonchinan).
Despues kola e bonchinan i reservá awa pa e sòpi;

Den un panchi grandi keinta e zeta, agregá e siboyo despues konofló ku e sèldu i hasa nan te ora nan ta maron; agregá e wòrtelnan i zucchini i e bonchinan;

Hasa tur kos 4 a 5 minüt despues agregá e kùri i salu, despues agregá blachinan fresku; seguidamente basha e awa òf e kaldo i tapa e wea i laga kushiná pa 20 minüt. Kushiná na kandela abou pa 5 minüt.
Saka algun zucchini i algun wòrtel ku algun awa i blènder e na un papa. Pone e puré aki den e sòpi bèk pa hasié diki.
Konsistensia no ta muchu diki ni muchu fini. Paga e kandela.

Sirbi kayente;
Disfruta!

 1,747 Bia mirá,  2 Bia mirá awe